NewsletterWenn Sie im KonsumentInnenschutz auf dem Laufenden sein wollen, abonnieren Sie kostenlos das Verbrauchertelegramm als Newsletter.Verbrauchertelegramm Dezëmber 2006Mitteilungsblatt der Verbraucherzentrale SüdtirolBeilage zur ladinischen Dezember-Ausgabe Nr. 73 Imprestimënć por la costruziun de abitaziuns dla provinzia vëgn paià bi ćersDeache le ofize de register (incö agenzia dles entrades) à apliché na alicuota massa bassa, à l’agenzia damanè la provinzia do contribuć por les entrades ai 150 zitadins y zitadines, che â ćiafè danter le 2002 y le 2004 n imprestimënt zënza fić. Inće sce la comisciun dles cutes dl pröm gre da Balsan ti à dè dërt al recurs dles porsones interesades y ala provinzia, ó l’agenzia dles entrades presentè recurs cuntra chësta sentënza.Assiguraziuns söla vita – mediatur cun regoles nöiesDiretives nöies regolarà danü l’ativité di agënć dles assiguraziuns. Laprò vëgnel injuntè le register dl mediatur (Registro Unico degli Intermediari – RUI). Le fin de chësc ordinamënt nü é chël de sconè deplü i consumadus. I mediaturs mëss se tignì ai prinzips dla lealté y dla trasparënza y ai é instësc oblià de stlüje jö na assiguraziun de responsabilité zivila por i risć tla profesciun.Imprestimënt dla “Pröma abitaziun”L’alisiraziun dles cutes dl 19% resta anfat tla tratativa nöia dl contrat de imprestimënt, sciöch’inće pro le renovamënt dl contrat. A ći ch’an dess mët averda é i cosć che vëgn ghirà por le renovamënt dl contrat.Por la assiguraziun dl füch vëgnel paié demassaLe valur comerzial de n frabicat te Südtirol po ester de 8.000,00 euro o deplü al meter cuadrat. Tl caje che le mèdefüch danejëia döt le frabicat, paia l’assiguraziun mâ le cost dla recostruziun, y chësc vëgn sciazè sön 1.500,00 euro al meter cuadrat. Chësc valur vëgn stabilì vigni ann ofizialmënter y al vëgn publiché dala provinzia vigni mez ann. Chi che tol ca le valur comerzial dl frabicat sciöche basa por la calculaziun dla premia dl’assiguraziun, röia a paié 6 o 7 le cost efetif dla premia.Sovenziuns dla energia eletricaCun la delibra nr. 249/2006 à l’ofize de suravidlanza dla energia eletrica y dl gas tut la dezijiun de smendrì les sovenziuns CIP 6 por la produziun d’energia eletrica fora dles fontanes « ecuiparades » de energia. La zentrala consumadus de Südtirol é a öna cun chësta delibra. Les fontanes « ecuiparades » de energia ne n’é indînenia nëtes y ne scona nia la natöra. I cosć che ti é gnüs ciarià sö ti ultimi agn ai consumadus amunta a 30 miliarg de euro.Diretives europeiches dles televijiuns sön trus falàCun la lëtra daverta di Ministers por la cultura y la comunicaziun, vëgn la zentrala consumadus de Südtirol avertida dan dai raporć americans ti programs europeics de televijiuns. Cun la liberalisaziun preodüda de “Product Placement” dla novelaziun dla diretiva europeica dla televijiun vëgnel metü al prigo i interesc di utënć dla televijiun y süa crëta tla independënza di media.Internet zënza W-LanNa forma nöia che cür deplëgn le teritore cun la eraiuziun impulsada de microones và śëgn les antënes W-Lan dër venüdes söl marćé de Südtirol, por arjunje damì les valades y i hotì dales perts fora. N comun de munt de Salzburg à ćiafè n’atra soluziun por chësc problem: n cabl da fira otica, che vëgn trat fora por la condüta dal’ega, ti dà al paîsc l’azès a Internet.Sparagné cun la canelaLa canela Cassia à ćiafè n stlet inom. La gauja é le contignü dla sostanza aromatica naturala Cumarin, che, nen tolon ite demassa, và sön i fià. Cun la canela tles sondles da Nadé él da sparagné, ater co cun la canela ch’an ćiafa tles Botëghes dl Monn. Chëstes vënn la buna canela Cylon, che contëgn cotan de manco Cumarin co la canela Cassia che vëgn importada al’ingrossa dala Cina.Homepage dl mëiswww.infolav.org“konsuma”Ai 10 de novëmber vëgn publiché le “Ratgeber Krankheit Patientenverfügung und Tod”. Al é n gran debojëgn de dè informaziuns sura chisc temesc tabu: Cô scrìon pa n testamënt, cô na manifestaziun d’orentè di paziënć? Chê ërpa pa? Chê surantol pa ćî contrat? Cremaziun o sopoltöra? Konsuma pîta respostes, lëtres de mostra, links.L’incuntada de vëndresIncuntada dl vëndres vigni vëndres dales 15 ales 16.30 tla zentrala consumadus: partezipaziun debann, iscriziun aconsiada, telefonn 0471 329 387Le tema dla ultima incuntada dl vëndres de chësc ann:
|
AKTUELL
            |
