|
|
Newsletter
Wenn Sie im KonsumentInnenschutz auf dem Laufenden sein wollen, abonnieren Sie kostenlos das Verbrauchertelegramm als Newsletter.
Verbrauchertelegramm Fauré 2007Mitteilungsblatt der Verbraucherzentrale Südtirol
Beilage zur ladinischen Februarausgabe Nr. 10
Seguranza sun l autoDal prim de jené 2007 ie la sozieteies de seguranza tl cajo de nzidënc sun streda ubliedes a mëter n droa chël che vën tlamà l „paiamënt diret dl dann“. Chësc ie udù danora dal decret dl Presidënt DPR nr. 254/2006. Da śën inant vën la persona assegureda remburseda per l dann che la à abù diretamënter da si sozietà de seguranza. L ie udù danora che l’agenzies de seguranza à da ti mëter a despusizion ala persona che à abù l dann dut si sustëni y si aiut. Nsci sëurantòl l’agenzies na pert dla respunsabltà per na soluzion pusciblmënter puech problematica dl dann.
La stazion de Bulsan resta ulache la ie!
Te na tëuta de posizion n cont dl spustamënt dla stazion de Bulsan detlarea la ZCS che la stazion toca da resté tl zënter dla zità! Iló iela saurida da arjonjer dai cënc de penduleres che la nuza uni di. La ZCS se damanda dal’aministrazion dla zità de defënder chësta posizion contra la goles de speculanc y contra l se ficé dl guviern provinziel.
Cumpré ìte te SüdtirolDa na nrescida reprejentativa dla populazion da pert dla ZCS n cont di zëntri da cumpré ìte vëniel ora n cheder defrenzià n cont di bujëns y dla pertendudes di cunsumadëures sudtirolejes. Che l ie de bujën de n zënter da cumpré ìte te Südtirol ie duc a una. Ma l ne dëssa nia deventé n „factoryoutletvillage“.
Ufierta nueva de cunsulënza „Kondominium“
Pervia dl gran bujën de nfurmazion n cont de dumandes che reverda la situazion leghela tl cajo de stritoc te cëses cun deplù families à la ZCS metù sù na ufierta nueva de cunsulënza. Uni merdi y juebia dala 15.00 ala 17.00 y uni venërdi dala 10.00 ala 12.00 iel da garat n espert che respuend a dumandes defrëntes. Chi che uel se nuzé de chësta ufierta possa se lascé nuté sù sot al numer de telefonn 0471 97 55 97.
I gran marcëi à debujën de n daunìLa ZCS à n gran festide per l daunì di gran marcëi a Bulsan. Perchël se damandela mo n iede n cunzet cun cë y piesc che posse vester la fundamënta per n urientamënt nuef che segurëie la sëuravivënza di gran marcëi.
Banches ala proaL istitut de nrescida de minonga „apollis“ à abinà ora che la crëta di tlienc y dla tlientes sudtirolejes te si banca sfanta. La crëta tla banca devënta mëndra cun l crëscer dl livel de istruzion, oradechëla iela mëndra pra la populazion che viv te zità y pra la populazion de rujeneda taliana.
Purcel de sparani autoN cuarto de nosc tëmp de lëur laurons mé per l auto. Aldò de na nrescida dl ACI (Automobilclub talian) spënd na familia taliana tla media 5.000 € per la mobiltà. La gran pert dla spëisa – ntëur l 40% – fej ora i cosć de compra dl auto y la perduda dl valor lieda limpea.
Car-sharing juda a sparaniëPer jënt che furnea ncantëur puech y che sta tla ujinanzes de Bulsan y de Maran ne se paiel belau nia avëi n auto. I cosć per kilometer per l „car-sharing“ ie plu o manco i medemi sciche chëi pra n auto de proprietà; ma l nuzënt se sparania la compra dl auto, la seguranza y l mantenimënt. Dla ufierta car-sharing se cruzia l Ökoinstitut Südtirol.
Nfurmazions sot a www.carsharing.bz.it
Cuatier zënza matrimoneSce n per compra deberieda n cuatier y sce la relazion va n broda do n pez po iel per na spartizion nëta dla finanzes de mpurtanza sce l per fova maridà o no. Pra peres nia maridei ne iel deguna regulamentazion leghela y l ie l gran pericul che un di doi paie sëura. A duc i peres che ne ie nia maridei y che compra deberieda na imubilia ti cumët la ZCS de fé almanco n cuntrat privat.
„Finanziaria - i vantajesCun na lingia de sustënies per Otto y Ottilia cunsumadëures se presentea la lege finanziera nueva che ie stata tan giut tl zënter dla discuscions. Pervia che chisc sustënies ne ie belau nia da abiné tla cunfujion di 1300 articuli dl test de lege nen cumpëida la ZCS sù n valguni. (Cëla plata dedite y www.verbraucherzentrale.it)
Plata internet dl mënsLa chëuta sun l auto se à mudà y possa unì paieda ìte nchin ai 2 d’auril 2007. Nfurmazions sot a www.provinz.bz.it/Abgaben o sot al numer 199 72 72 72.
(per talian www.provincia.bz.it/tributi o....)
|
AKTUELL
|
