NewsletterWenn Sie im KonsumentInnenschutz auf dem Laufenden sein wollen, abonnieren Sie kostenlos das Verbrauchertelegramm als Newsletter.Verbrauchertelegramm Merz 2007Mitteilungsblatt der Verbraucherzentrale SüdtirolBeilage zur ladinischen Februarausgabe Nr. 17 Homepage dl mëisSön la plata www.promobil.bz.it pol gnì sotescrit online cuntra le trasferimënt dla staziun dles ferates a Balsan.Se retrà da düc' i contrac' de deplü agnLe decret che dà la poscibilité de se retrà atira y zënza nen romëte da contrac' d’assiguraziun por danns, é dötaurela en forza. Cun le termo de desdita de 60 dis po (y dess) contrac' d’assiguraziun de deplü agn gnì deslià.Staziun dles ferates Balsan: cuntra vigni logicaI proiec' ofiziai por le trasferimënt dla staziun dles ferates de Balsan ne se basëia nia sön dac' sigüsc, ai é tecnicamënter fora dla realté, ai à na architetura daspavënt ria da realisé, ai ti tol ala jënt la vöia da jì te cité a cumprè ite y chisc proiec' cheriëia na fontana nöia de crabal por döta la cité. La Zentrala Consumadus ó tó ite la popolaziun tla planificaziun, cherié na mësa torona paritetica y portè ite la descusciun dla staziun dles ferates te n conzet dl trafich intier, deboriada cun le raiun dl’Adesc dessot/Adesc dessura y la fornadoia dl Ritten.La scadënza dles polizes dl’assiguraziun é n’ingianadaAssoziaziuns d’assiguraziun nia dër sciodes anuzëia sovënz le termo de scadënza dles assiguraziuns por ti sforzè sö a sü tliënc' prestaziuns laprò o contrac' nüs. Chësc comporta cosc' plü alc' y sovënz inc'e dorades plü lunges.Röses venüdes loialmënterEn gaujiun tl dé de San Valentin 2007 à la Zentrala Consumadus deboriada cun la OEW, le movimënt catolich dles ëres y di ëi, organisé la venüda loiala de röses. Cun chësta scomenciadia él indô gnü metü n sëgn che le consum critich é n stromënt important por le control dl marc'é.Na notizia spaventosa dala CinaTla medejina tradizionala cineja vëgn tröpes sostanzes efiziëntes tutes dai tiers. Chësc ó dì ch’i tiers patësc, retlamëia l’assoziaziun de sconanza di tiers tolon por ejëmpl le fié dles laurz. Deplü iadi al dé ti vëgnel tut fora le süch di fià ai tiers vis da na ferida daverta. I fià dles laurz é na medejina cun chëra ch’al vëgn fat afars de miliuns.Inrescides sön i peperunsResc' de sostanzes de sconanza dles plantes tl’ordöra y tla verzöra ne n’é nia ma titui mo realté. Peperuns, pomodori y gurches de orìgina spagnola, türca y africana ne dess nia gnì cumprà por le momënt deach’al é gnü ciafè te deplü proes tosseri cuntra i funguns y i insec' che ne n’é nia conzedüs dala Uniun Europeica.Igiena cuntra les coiesCun le contat, les gotes, cun la boc'ia y le jì de corp y cun alimentars infetà röia i patogenns te nosc corp. L’igiena smendrësc le prigo da se tachè les coies: an dess se lavè les mans cun jafa, dantadöt do ester stà te cagadù y dan vigni past y an dess se despié i cialzà dan porta de c'iasa.La planta medejinala dl annHumulus lupus, por todësch “Hopfen”, por talian “luppolo”, é la planta medejinala dl ann 2007. Estrac' dles coches dl humulus lupus forma en combinaziun cun la raîsc de baldrian i componënc' che vëgn dant le plü sovënz te medejines vegetales por le dormì y te calmanc'. Les sostanzes plü importantes che vëgn dant tl humulus lupus, é öri eterics y aji anti, humulus y lupulus.Democrazia diretaLa scomenciadia popolara por na “miù lege por la democrazia direta” é gnüda aprovada dal coleghium legal responsabl superan insciö la pröma dificolté. La racoiüda te döta la provinzia dles 13.000 sotescriziuns nezesciares por arjunje n referendum pëia ia ai 16 de merz 2007. Sotescrì pon te düc' i secretariac' di comuns, a Balsan inc'e ti zëntri di cuartiers dla cité, sciöch’inc'e pro bancareles mobiles che cöi adöm sotescriziuns. La racoiüda vëgn organisada tl medemo tëmp dla racoiüda dl’assoziaziun zentrala por la sconanza dl ambiënt sön la scomenciadia dl ampliamënt dl aeroport, che é inc'e gnüda conzedüda. Al vëgn fat al savëi che inc'e chi che à sotescrit por le contrat dla “Union für Südtirol” po firmé por chësta scomenciadia popolara.Relaziun anuala 2006Vign’ann ai 15 de merz, le dé europeich di consumadus/dles consumadësses, presentëia la Zentrala Consumadus süa relaziun anuala – na bona poscibilité de mostrè te döt Südtirol le c'iamp ampl dla Zentrala Consumadus. Tla relaziun anuala vëgnel baié de tendënzes, de trends tl comportamënt dl consumadù, dl svilup dl marc'é y dl svilup falè sciöch’inc'e di defizic' tla legislaziun europeica y nazionala. La relaziun é da ciafè tla forma stampada tla Zentrala Consumadus Südtirol y te dötes les sëntes deforadecà, mo an po inc'e la lì t’internet, sön la plata dla ZCS. |
AKTUELL
            |
