NewsletterWenn Sie im KonsumentInnenschutz auf dem Laufenden sein wollen, abonnieren Sie kostenlos das Verbrauchertelegramm als Newsletter.Verbrauchertelegramm Auril 2007Mitteilungsblatt der Verbraucherzentrale SüdtirolBeilage zur ladinischen Aprilausgabe Nr. 24 No al spustamënt dla stazion dla ferata de BulsanCun la prima abineda de sotscrizions online te Südtirol porta la Zentrela Cunsumadëures de Südtirol pro al’abineda de sotscrizions dl cumité „Salvëde la stazion dla ferata“ (cëla dessëura – homepage dl mëns)Cundomine – śën vëniel chità via i stritocLa Zentrela Cunsumadëures de Südtirol y l’assoziazion naziunela di aministradëures di cundominesc y dla imubilies ANACI – sezion de Bulsan pieta da śën inant na pruzedura de chiteda di stritoc che possa unì damandeda te uni sort de caji de stritoc tla cëses te chëles che l sta de plu families.Retlams desvienc pra “Ford Focus”11.950,00 euro dassova custé l Ford Focus aldò di retlams tla zaites. Ma custé custovel pona 15.950,00 euro. Śën ti à l’autorità de verdia dat rejon ala cuntestazion dla Zentrela Cunsumadëures detlaran l retlam nunzià desvient y straufan la „Garage Alpi S.p.A.“ de Bulsan.La sozietà de telefonn „WIND“ mëina su i priejesPer valivé ora i davanies perdui tres l’abolizion dla chëuta de ciariamënt da pert dl Minister Bersani à la sozietà de telefonn Wind śën auzà la tarifes. La ZCS cunsieia de crì n’autra sozietà plu bon marcià. (Cëla calculazion dla tarifes de telefonn sot a www.verbraucherzentrale.it)Relazion anuela dla Zentrela CunsumadëuresA 49.990 dumandes ti à la Zentrela Cunsumadëures respundù l ann passà – la cumpëida dla persones che à damandà cunsëi ie avaneda dl 13% ti cunfronc dl ann dant. Chësc desmostra tan mpurtant che l ie deventà per i zitadins y la zitadines de giapé na cunsulënza ndependënta per pudëi se ntupé tla cunfujion dla ufiertes y di cuntrac.Motorins trucheiNa sentënza dla Cassazion (nr. 6685 di 21 de merz 2007) l à mo n iede cunfermà: tl cajo de n nzidënt de n mënder de dejedot ani cun n motorin trucà à i genitores la respunsabltà. Se defënder da chësc possen mé tres na tlausula aposta tl cuntrat de assegurazion.Self service pra la stazions dal penzinL Minister Bersani y l Assessëur Frick ie unic damandei te na lëtra davierta da pert dla ZCS de nvië via la pruzedures de lege per acuntenté l bujën de pudëi se nuzé de njins selfservice per gas d’auto pra la stazions dal penzin y per pudëi seguré la puscibltà de ciarië i auti cun gas vintcater ëura sun vintcater.„konsuma“Dai 16 de auril possen inò da giapé la edizion nueva de „konsuma“. L argumënt de chëst iede ie „Cumpré y fé economia da fundamënt“ („Schlau einkaufen und wirtschaften“).La ie inò tan inant:L 5 permile per la forza di/dla cunsumadëures!Chi che paia la chëuta possa destiné l 5 permile de si chëuta sun l davani a organisazions atives tl ciamp soziel, y pra chëstes toca nce la Zentrela Cunsumadëures. L ie assé sotscrì tla drëta lerch sun l formuler prestampà CUD, 730 o UNICO y dé sëura l codesc dla chëuta dla Zentrela Cunsumadëures: 94047520211 Cun chësc sustëni possa la Zentrela Cunsumadëures de Südtirol defënder miec y te na maniera plu mireda i/la cunsumadëures! Homepage dl mëns:www.promobil.bz.it – tliché y sustenì l’abineda de sotscrizions contra l spustamënt dla stazion dla ferata de Bulsan. |
AKTUELL
            |
