NewsletterWenn Sie im KonsumentInnenschutz auf dem Laufenden sein wollen, abonnieren Sie kostenlos das Verbrauchertelegramm als Newsletter.Verbrauchertelegramm utober 2007Mitteilungsblatt der Verbraucherzentrale SüdtirolBeilage zur ladinischen Oktober Ausgabe Nr. 52 La trapules radar ie n pruvedimënt falàLa zentrela cunsumadëures ne uel nia defënder persones che va massa debota cun l auto y la se damanda straufonghes che à fazion. Tl cajo che i regulamënc dla streda vënie viulei a na maniera scialdi grieva, dassëssa la lizënza de furné unì tëuta defin. Cursc per mparé la regules dl trafich y de educazion al trafich messëssa vester ublienc y oradechël dassëssel unì udù danora de ti fé fé a chi che ne à nia respetà la regules dl trafich lëur soziel. Cun l sistem da śën cun la straufonghes pecunieres autes y la puscibltà de schivé la detrazion di ponc dala patent tres na straufonga de scioldi sëurapro ne miuréen nia la situazion, ma n mplenësc mé la casses di chemuns.Medejina cumplementeraLa Zentrela cunsumadëures ie per na pluralità de pusciblteies de terapia y per la defendura di pazienc y dla pazientes. La se damanda perchël che i dutores vënie furmei aldò tl ciamp dla medejina cumplementera.Merca de alimenteresDal prim de lugio incà savons nëus zitadines y zitadins dl'Europa cie che l uel dì canche na maiadiva ie "puera de grasc", "zënza zucher", "lesiera" o "rica de ejes grasc omega 3". Slogans publiziteres ne daussa nia plu mé nsci unì adurvei, ma i muessa vester scientificamënter desmustrei. Chësc dij n regulamënt dla UE.L ambient verd tla brujadoiesLa Zentrela cunsumadëures y la OEW (la urganisazion per un n mond) critichea l fat che tl chemun de Natz-Schabs iel prugramà de fé su na sciaudadoia zentrela che dëssa produjer energia da uele de palma ala ngranda. Di custimënc che se purterà pro tla forma de danns ambientei ti paejes ulache l uele de palma vën prodot iel da tenì cont canche n fej su chësta sort de zentreles de sciaudamënt, chësta la critica. Regulamentazion nueva dla cuestion sun la respunsabltàSce n se fejova mel o ova n dann per gauja dla stleta manutenzion de lueges y plazes publiches fovel nchina ncuei belau nia mesun fé valëi si rejon a na ndenisazion dl dann abù pra l'aministrazion publica. Ma śën à la sunieria de cassazion mustrà coche la sona: l'aministrazion publica coche patrona dla streda ie śën rateda "respunsabla per la pruzedura" (art. 2051 CZ).La zentrela per l chitamënt de stritoc fej n bon lëurAi 26 de merz 2007 à la ZCS y l'assoziazion naziunela di aministradëures di condominesc y dla imubilies ANACI, sezion de Bulsan istituì n ufize de chitamënt de stritoc che trata caji de stritoz te cëses da deplù families. Śën possa chësc ufize bele mustré su i prim suzesc: ai 9 de agost 2007 ie unida ora la prima sentënza: La soma dl stritoz ie munteda a 100.000 Euro.Peschici: Damandëde śën l rembursamënt dl dann!Per cie che reverda la pertendudes de rembursamënt di danns gaujei dal verder di bosc a Peschici ai 24 de lugio 07, iel śën sënies cuncrec che les vënie tratedes. La persones danejedes dassëssa a uni maniera cialé dé jù la documentazion curespundënta nchin ai 24 de utober, di de destumeda dl tëmp. La consulënza d'assegurazion dla zentrela cunsumadëures de Südtirol dà cunsëies y sustëni.La mensa fej ngrascéPersones che maia regulermënter tla mensa o te ustaria tòl n generel ite plu calories y se muev de manco. Chësc dij i resultac de na nrescida a livel europeich. (European Prospective Investigation into Cancer and Nutrition).Cosses perdudesCie che à da suzeder cun na cossa che ie jita perduda ie regulà avisa tl Codesc Zevil; nsci muessa chi che à abinà na cossa muvibla la dé a reter al propreter. Sce l propreter ne ie nia cunesciù, muessa la cossa unì data ju pra l ambolt dl luech, te chël che la ie unida abineda.Fiera de nfurmazion sun l frabiché abitatifFiera de nfurmazion sun l frabiché abitatif dla lies di lauranc, per l tëmp liede y per la furmazion ai 20 y 21 de utober dala 10.00 ala 17.00 tla cësa Walther a Bulsan. Ntreda liedia.Plata Internet dl mëns:www.compraconbuonsenso.itLa campania de nfurmazion dla polizai dla posta per na compra online segura. |
AKTUELL
            |
